2022 жылдың 26 наурыз күні сағат 16:00-де Әбілхан Қастеев атындағы өнер музейінде «Целинный» заманауи мәдениет орталығының Ümit бағдарламасы аясында алматылық жас суретші Вероника Тришинаның "Терезеге қарасам теңізді көремін" - "Я смотрю в окно и вижу море" атты дебюттік көрмесі ашылады. Көрме «Периодика» көрме залының жаңа визуал бейнесін жасауы арқасында иммерсивті формаға ие болады. Ümit бастамасының мақсаты – қазақ өнеріндегі жаңа есімдерді анықтау және жергілікті көркемөнер сахнасының жас суретшілерін қолдау.
Әбілхан Қастеев атындағы Қазақстан Республикасының
Мемлекеттік өнер музейі
2022 жылдың 22-23 наурыз күндері өтетін
«Ұлыстың рухы» атты Наурыз мерекесіне шақырады!
2022 жылдың 12 наурызында сағат 16.00-де Әбілхан Қастеев атындағы ҚР Мемлекеттік өнер музейінің Орталық Көрме Залында ҚР Суретшілер Одағының мүшесі, Қазақ Өнерінің қайраткері, Амбассадор-Еуразиялық гильдия бейнелеу өнері сараптамалық кеңесінің төрағасы, Аркади Безруков атындағы және Айтматов оқулығы атындағы сыйлықтың лаураты, белгілі график-суретші Нысанбаев Марланның 65 жылдығына арналған «ӨНЕРГЕ ТОЛЫ ӨМІР» атты мерейтойлық көрмесінің ашылу салтанаты өтеді.
2022 жылдың 3 наурызында сағат 16.00-де Әбілхан Қастеев атындағы ҚР Мемлекеттік өнер музейінде фотосуретші Никита Басовтың «Профессия - …» атты жеке көрмесі ашылады.
2022 жылдың 4 наурызында, 16.00-де Ә. Қастеев атындағы Мемлекеттік өнер музейінде Қазақстанның белгілі суретшісі, Қазақстан Республикасының Еңбек сіңірген қайраткері, ҚР Көркемсурет академиясының академигі Ахмет Ахаттың «Танылған дүниеден тысқары. Белгілі туралы беймәлім» атты жеке көрмесінің ашылуы болады.
