Құрметті біздің музейдің қонақтары! 30 қараша мен 1 желтоқсан күні ҚР Мемлекеттік өнер музейі жабық болады. Қолайсыздық үшін кешірім сұраймыз.
Құрметті өнер сүйер қауым! Біз Қазақстандағы Гете институты және Шетелмен байланыс институтымен (ifa, Штутгарт) бірлесіп ұйымдастырылатын жыл сайынғы көрменің ашылғанын хабарлауға қуаныштымыз.
Уақыттағы саяхат атты фотокөрмесі Германияның қайтадан бірігуінің 30 жылдығына арналады. Көрме неміс баспасөз фотографиясының әйгілі шеберлері Эрих Заломон мен Барбара Клемнің біртуар тарихи суреттерін ұсынады. Қос фотографқа фотожурналистиканың дамуына салмақты ықпал етіп, өздерін әлемге танымал еткен ерекше авторлық фоторепортаж стилі тән.
Бүгін, Ә. Қастеев атындағы ҚР Мемлекеттік өнер музейінде «Абай – халық даналығы» көрмесінің ашылу салтанаты өтті, сондай-ақ көрменің ашылуында «Абай бейнесі – Қазақстан суретшілерінің көзімен» атты каталогының тұсаукесері болды. Қазақтың ұлы ақыны, ағартушы-философ, композитор, көркем сөз шебері Абай Құнанбаевтың жеке тұлғасы мен шығармашылығына арналған каталогы «Bank RBK» АҚ қолдауымен
жарық көрді. Экспозицияда Абайдың бейнесі мен шығармашылығына арналған әр кезеңдегі суретшілердің 70-тен астам кескіндемелік, графикалық, мүсіндік туындылары ұсынылған. Бұл шығармаларда өткен ғасыр мен қазіргі заман шеберлері Абай бейнесін, оның ұлылығын бейнелейді.
Кеше, Ә. Қастеев атындағы өнер музейінде 4-ші халықаралық «Әрқашан бірге» атты авторлық интерьерлік қуыршақтар көрмесінің салтанатты ашылуы өтті. Экспозицияда Қазақстан, Ресей, Беларуссия, Украина және Франциядан келген хас шеберлердің туындылары қойылған. Көрмені ҚР Мемлекеттік өнер музейінің директоры Шалабаева Гүлмира Кенжеболатқызы және Ресей Федерациясының Қазақстандағы Бас консулы Евгений Петрович Бобров ашты.
2020 жылдың 28 қазанында сағат 12: 00-де - Ә. Қастеев атындағы ҚР Мемлекеттік өнер музейінде «Бұл таңғажайып әрі нәзік әлем» атты көрменің салтанатты ашылуы өтті. Қазақстанның экологиялық ұйымдарының қауымдастығы «Стоп Мусор» әлеуметтік жобасы аясында ұйымдастырған картиналар көрмесі келушілердің назарын қалаларда да, табиғат аясында да қоқыстың көбею проблемасына аудару үшін жасалған.
Instagram соңғы жаңалықтары
Instagram
⚜️2026 жылдың 3 маусымында Әбілхан Қастеев атындағы Қазақстан Республикасының Ұлттық өнер музейінің Орталық көрме залында «Жанасу II – Соприкосновение II» республикалық көрмесі ашылды. Қазақстандық пастель өнері шеберлерінің бірлестігі дайындаған бұл көрме өткен жылы кәсіби орта мен өнерсүйер қауым тарапынан ерекше қызығушылыққа ие болған жобаның жалғасы болып отыр.
▫️Пастель – шеберлердің қолында бар қырын ашып, сан алуан көркемдік әсер бере алатын, мүмкіндігі кең әрі жанды материал. Көрме кеңістігінде өзіндік өрнегі, дара техникасы және бояу мәнері бар әртүрлі авторлардың жұмыстары бір арнада тоғысқан.
🔸Екінші көрме жобаның ішкі эволюциясын нақ көрсетеді. Бастапқы шығармашылық ұжымға жаңа суретшілердің қосылуы экспозицияға тың колористік энергия мен өзгеше реңк әкелді. Зал кеңістігінде шағын натюрморттар, қалалық және далалық пейзаждар, сондай-ақ метафоралық сюжеттерге құрылған композициялар өзара үйлесім тапқан. Бұл туындылар суретшілердің тек техникалық еркіндігін ғана емес, сонымен қатар суретшілердің ішкі ізденісін, өмір құбылыстарының нәзік әрі құбылмалы күйлерін дөп басып бейнелей алу қабілетін көрсетеді.
🔹Көрмеге А. Хакимжанова, А. Тампиев, А. Татарова, А. Сластинова, А..Сафи, А. Овечкина, А. Фидирко, В. Трофимович, В. Татаринов, Г. Пащенко, Г. Умарова, Д..Куралбаев, Д. Залесская, Д. Муштак, Е. Попова, К. Ибраева, К. Рыбалко, Л. Логвинова, М..Мун, М. Бурманская, Н. Молокотина, Н. Сайгушева, О. Иконникова, Р. Сакович, С..Какоткина, С. Кравченко, С. Кушкова, Т. Максименко сынды суретшілердің еңбектері қойылған.
Суретшілердің пастельге деген көзқарасы бұл материалдың табиғатын терең түсінуге негізделген. Олар осы техника арқылы күрделі психологиялық көңіл-күйді, ішкі сезім мен жеке дүниетанымды еркін жеткізеді. Көрме ұзақ ізденістің нәтижесінде туған туындылардан құралған.
📍 Көрме 2026 жылдың 25 маусымына дейін жалғасады.
Жұмыс уақыты: 10:00 - 19:00.
Демалыс күні: дүйсенбі
📌Куратор: Әбілхан Қастеев атындағы
ҚР Ұлттық өнер музейінің «Музейлік педагогика және экскурсиялық қызмет» бөлімінің қызметкері Г.А. Исхакова.
🇰🇿4 маусым – Қазақстан Республикасының Мемлекеттік рәміздері күні.
Бұл күн — халқымыздың бірлігін, тәуелсіздігіміздің тұғырын, еліміздің болашаққа деген сенімін білдіретін айрықша мереке. Елтаңба, Ту, Әнұран — Отанға деген сүйіспеншілігіміздің, ұлттық мақтанышымыздың жарқын бейнесі.
Осы мерейлі күні баршаңызға зор денсаулық, отбасыларыңызға амандық, ел игілігі жолындағы еңбектеріңізге табыс тілейміз. Мәңгілік Ел болу жолындағы қадамымыз нық, туымыз биік болсын!
⚜️2026 жылдың 11 маусым күні сағат 16:00-де Әбілхан Қастеев атындағы Қазақстан Республикасы Ұлттық өнер музейінде талантты кескіндемеші, Қазақстан Республикасы Суретшілер одағының мүшесі Омархан Құмардың «ҰЛЫ РУХ» атты жеке көрмесінің салтанатты ашылуы мен каталогының тұсаукесер рәсімі өтеді.
🔹Омархан Құмар – бүгінгі қазақ бейнелеу өнеріндегі ұлттық тарих пен рухани құндылықтарды шығармашылығының өзегіне айналдырған, өзіндік қолтаңбасы айқын кәсіби суретші. Оның туындылары халықтық рухқа толы, қазақ халқының тарихи жады мен мәдени мұрасын терең пайымдап, өткен мен бүгінді сабақтастыратын мазмұнды көркем образдар жасауымен ерекшеленеді. Суретші шығармашылығына академиялық мектептің берік негіздері, композициялық тұтастық, сурет салудағы жоғары кәсіби мәдениет пен реалистік бейнелеу дәстүріне адалдық тән.
🔸Көрмеде автордың 2000 жылдардан бері орындалған жетпіске жуық таңдаулы кескіндемелік туындылары ұсынылған. Экспозиция суретшінің шығармашылық ізденістерінің ауқымын, жанрлық және тақырып аясының мол қорын жан-жақты таныстырады. Әрбір композициясынан суреткердің шеберлігі мен шығармашылық кемелдігі айқын сезіледі. Автор тарихи тұлғалардың мінезі мен болмысын, дәуір рухын және оқиға мазмұнын терең ашуға ұмтылып, көркем образдың нанымдылығы мен эмоционалдық әсеріне ерекше мән береді. Түстік үйлесім, пластикалық шешім және композициялық құрылым оның жұмыстарында біртұтас көркем жүйеге айналып, туындының идеялық мазмұнын терең аша түседі.
🔺«ҰЛЫ РУХ» көрмесі – суретші Омархан Құмардың 25 жылға жуық шығармашылық жолын қорытындылайтын алғашқы жеке көрмесі. Көрме атауының өзі экспозицияда ұсынылған туындылардың негізгі мазмұны мен идеялық өзегін айқындайды. Ұлт тарихы, елдік рух, ұлы тұлғалар, батырлық дәстүр мен туған жер табиғаты суретшінің шығармаларында көркемдік шешім тауып, қазақ халқының рухани болмысы мен тарихи жадын бейнелейтін өзіндік образдар жүйесін құрайды. Бұл көрме автордың ширек ғасырға жуық уақыттағы шығармашылық ізденістері мен кәсіби шеберлігінің нәтижесін танытатын маңызды мәдени оқиға болып табылады.
📌Көрме кураторы: Самал Мамытова
Қазақстан-Ресей мәдени байланысы
Мәдениет пен өнер халықтар арасындағы байланысты нығайтатын маңызды құндылықтардың бірі. Қазақстан мен Ресей арасындағы мәдени ықпалдастық өнер кеңістігінде өз жалғасын тауып келеді.
Бейнематериал 24KZ телеарнасынан.
Қазақстан мен Ресей арасындағы мәдени байланыс өнер кеңістігінде өзіндік өрнегін салып келеді. Рухани көпірдің алтын діңгегіне айналған Әбілхан Қастеев атындағы Қазақстан Республикасының Ұлттық өнер музейі екі елдің қылқалам шеберлерінің басын жиі қосады.
🎥Бейнематериал: Astana TV телеарнасы.
⚜️4 июня 2026 года в 16:00 в Национальном музее искусств РК имени Абылхана Кастеева состоится лекция кандидата искусствоведения Екатерины Резниковой «Радикализм, ставший классикой. Мировое искусство второй половины ХХ века»
◽️Лекция охватывает ключевые явления в искусстве второй половины ХХ столетия. В рамках лекции рассматриваются инновационные художественные формы и методы: объект, инсталляция, энвайронмент, перформанс, акционизм, освоение языка новых медиа на примере видеоарта.
▪️Знакомство с творчеством символических фигур современного искусства, задавших вектор тотального эксперимента в искусстве, представлены многочисленными «измами». Реди-мейд Маршеля Дюшана, концептуализм Джозефа Кошута и Йозефа Бойса, поп-арт Энди Уорхолла, проекты «бабушки перформанса» Марины Абрамович, неоконцептуализм Демьена Херста и мн.др.
▫️Обратимся к мастерам, чье творчество стало вызовом в момент возникновения, а сегодня относится к числу хрестоматийных примеров искусства и философии новейшего времени.
