15 қазан күні «Цифрлық күз: болашақты өзгерту» атты француз цифрлық өнер фестивалі Қазақстан Республикасының Әбілхан Қастеев атындағы Мемлекеттік өнер музейіне оралады.
Әбілхан Қастеев атындағы Қазақстан Республикасы Мемлекеттік өнер музейінде «Цифрлық күз» фестивалінің үшінші шығарылымы 2024 жылғы 15-27 қазан аралығында өтеді.
«Цифрлық күз» – бұл Францияның сандық өнер және инновация саласындағы үздік жұмыстарын көрсететін жыл сайынғы кросс-мәдени өңірлік фестиваль. Фестивальді Франция Елшілігі мен Француз институты Less Media Group агенттігі мен Француз Альянсының қолдауымен ұйымдастырды.
Биылғы жылы «Сандық күз» фестивалі бағдарламасы аясында француз суретшілері мен студиялары жасаған немесе олардың қатысуымен жасалған жаңашыл туындылардың іріктелуі ұсынылады. Фестивальдің үшінші шығарылымының тақырыбы – «Болашақты өзгерте отырып» келушілерді әлемге жаңаша қарауға және озық технологияларды пайдалана отырып, басқа көзқарастарды зерттеуге шақырады. Виртуалды шындық жаңа медиум ретінде көрермендерге өздеріне мүмкін емес жағдайларда немесе кеңістік пен уақытта басқа адамның орнында болу арқылы бірегей тәжірибе алуға мүмкіндік береді.
Фестивальде виртуалды шындық форматындағы 11 иммерсивті жұмыс көрсетіледі. Бағдарлама 2023 жылғы Венеция халықаралық кинофестивалінде «Үздік жетістік» сыйлығын жеңіп алған жетекші француздық Atlas V студиясының ауқымды интерактивті туындысы «Император» сияқты маңызды VR жобаларын қамтиды. Алматы фестивалінің бағдарламасына сонымен қатар 2023 жылғы Венеция халықаралық кинофестивалінде қазылар алқасының арнайы жүлдесін алған режиссер Адриан Локманның «Flow» қысқаметражды анимациялық фильмі кіреді.
Фестиваль сонымен қатар көрерменнің ұялы телефоны арқылы өмірге келетін MINDSCO* интерактивті қабырға панносы – толықтырылған шындық форматындағы жұмысты ұсынады. Бұл жобаны жасауға француз
суретшісі Гийомиттің жетекшілігімен Қазақстан, Қырғызстан, Өзбекстан және Ресейден 12 жас суретші қатысты.
* Фреска Терренкур саябағында Әл-Фараби даңғылы мен Кіші Алматы өзенінің қиылысында орналасқан.
Байланыс телефоны:
Францияның Қазақстан Республикасындағы Елшілігі
Әйгерім Сағымбаева +7 777 551 5126
Әбілхан Қастеев атындағы Қазақстан Республикасының Мемлекеттік өнер музейі
Айгуль Хайдарова Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.
Фестиваль жұмысы туралы практикалық ақпарат :
Күні: 15-27 қазан, 2024
Бағасы: 1500 теңге
Аудитория: Ересектер мен жасөспірімдер (16 +). Жұмыс уақыты: 10: 00-ден 18: 00-ге дейін.
Билет виртуалды шынайылық көзілдірігімен жұмыс көруге ұзақтығы 45 минутқа дейінгі слотты қамтиды.
VR жұмыстарының көпшілігі түпнұсқа тілінде, ағылшын немесе француз тілінде ұсынылған.
Жұмыс сипаттамасы қазақ және орыс тілдерінде, сондай-ақ қосымша ақпарат Музей алаңында VR жабдығы бар көрермендерге көмектесетін медиаторларда қолжетімді.
