Жыл сайынғы «Қастеев оқулары-2022»
ғылыми-практикалық конференциясы
ЖАҢА ҚАЗАҚСТАННЫҢ МУЗЕЙІ: ЗЕРТТЕУЛЕР, ТӘЖІРИБЕ, ПЕРСПЕКТИВАЛАР
Әбілхан Қастеев атындағы Қазақстан Республикасының мемлекеттік өнер музейі жыл сайынғы «Қастеев оқулары» ғылыми-практикалық конференциясын ұйымдастырады. Конференция әлемдегі қарқынды өзгеріс жағдайындағы мәдени мұраны дамыту және сақтау мүмкіндіктерін талқылайтын пікірталас алаңына айналуды көздейді. Пандемиядан кейінгі жағдай, сыртқы саясаттағы тұрақсыздық, мәдени мұралардың өзектілігін арттыру және қоғамның рухани жаңғыруы өзгерістерді талап етеді. Бұл іске музей де қатысып, қоршаған ортадағы іс-қимылдарға өзінің жауабын беруі тиіс. Сала мамандары үшін бұл конференция музей ісінің теориясы мен практикасын, өнертанудың өзекті мәселелерін талқылауға, ғылыми-зерттеу жұмыстарын ұсынуға, өңірлік көркемсурет мектептерінің дамуы мен қазіргі заман суретшілерінің шығармашылығы жайлы пікірін білдіруге мүмкіндік береді. Біз Сіздерді конструктивті кәсіби диалогқа шақырамыз!
Конференция 2022 жылғы 20 қазан күні сағат 10.00-18.00 Әбілхан Қастеев атындағы ҚР Мемлекеттік өнер музейінде өтеді, Алматы, Қазақстан
Конференцияның мақсаты – қазіргі замандағы даму контексінде мәдени мұраны зерттеу, сақтау және дәріптеу миссиясын жүзеге асырудағы музей қызметінің тиімділігін арттыру үшін ғылыми жұмыстардың нәтижесін көрсету.
Конференцияның міндеттері:
-
Музей ісінің теориясы мен практикасының өзекті мәселелерін талқылау
-
Өнертану теориясы мен тарихының проблемалары
-
Қазақстан бейнелеу өнерінің даму парадигмасын ұғыну (Тәуелсіздік кезеңін қоса алғанда)
-
Мәдени және көркемдік мұраны зерттеу мен жандандырудың тиімді әдістерін іздестіру
-
Музей практикасындағы интерактивтік және ақпараттық технологиялар
-
Музей коллекциясын ғылыми зерттеудегі жаңалықтар
-
Музей мекемелерін дамытудағы инновациялық қызмет
Конференция жұмысының бағыттары: музейтану, мәдениеттану, өнер тарихы, өнер философиясы, музей педагогикасы.
Конференцияға қатысуға шақырылатындар:
Музей мамандары, өнертанушылар, әлеуметтік мәдениеттанушылар, тарихшылар, көркемдік ЖОО оқытушылары, аспиранттар, магистранттар.
Негізгі мәселелер:
-
Қазақстан бейнелеу өнерінің эволюциясы (Іргесі қаланғанан бүгінгі күнге дейінгі)
-
Заманауи көркемдік процестің стиль жасаушы үрдістерін талдау
-
Қазақстан бейнелеу және сәндік-қолданбалы өнерінің теориясы мен тарихының проблемалары мен үрдістері
-
Заманауи көркемдік процестегі дәстүрлер мен инновациялар.
Конференцияны ұйымдастырушылар конференцияның басталуына дейін мақалалар жинағын бастырып шығаруды ұйғарды. Қатысу үшін өтінімдеріңіз (үлгісі қосымшада) бен мәтіндеріңізді 2022 ж. 12 қыркүйектен кешіктірмей жіберулеріңізді сұраймыз. Айтылған күннен кешіксе, мәтіндер қабылданбайды. Ұйымдастыру комитеті конференцияның ғылыми деңгейіне немесе тақырыбына сәйкес келмесе, жариялау үшін материалды қабылдамауға құқылы.
Жариялаған кезде авторлық редакция сақталады. Мазмұны мен жіберілген қателер үшін автор жауап береді. Мәтінді рәсімдеуге қойылатын талаптардың бәрін сақтауды өтінеміз.
Конференцияның жұмыс тілі – қазақ және орыс тілдері.
Рәсімдеуге қойылатын талаптар:
Редакцияланған мәтін Word, TimesNewRoman мәтіндік редакторында орындалады, қаріп 14, тасымалсыз, жол аралығы – 1, жиектері – 2,0. Мәтін көлемі 8 беттен аспауы тиіс. Мәтінге жалпы саны 6-дан аспайтын иллюстрация қосуға болады.
Парақтың оң жақтағы жоғарғы бөлігінде – ТАӘ (толығымен), қызмет орны, атағы, ғылыми дәрежесі. Баяндаманың атауы дәл ортасында жазылады. Мақала резюмесі негізгі мәтін тілінде жазылуы тиіс (100 сөзге дейін). Соңына жазылатын сілтемелер дереккөз бен беттің реттік нөмірі арқылы көрсетіледі. Пайдаланылған әдебиеттер сілтемелерді рәсімдеуге бекітілген талаптарға сәйкес мәтіннің соңына орналастырылады.
Басқа қаладан келетін мамандар қатысқан жағдайда іссапар шығындары жіберуші Тараптың есебінен өтеледі.
Қатысу үшін өтінім мен материалды мына мекенжайға жіберулеріңізді сұраймыз:
050040 Алматы, Көктем-3, 22/1 немесе электрондық пошта арқылы
Жобаны үйлестіруші: Екатерина Резникова,
Ә. Қастеев атындағы ҚР МӨМ ғылыми хатшысы (727) 394-57-05
E-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс. Факс: (727) 394-55-19
