facebook-logo  twitter logo  odnokl-logo  youtube logo  logo-insta  vk logo
logo gmi-ru

e-gov-kz-banner

  • Открытые данные

    open data logo

  • MYD Production

    MYD-logo-bl-sm

  • ҚР Президентінің ресми сайты

    banner7

  • ҚР Мәдениет және спорт министрлігі

    min-kult

  • Министрліктің жаңалықтары

    min-kult

  • Алматы қаласының Әкімдігі

    akimat-almaty

  • ҚАЗАҚСТАН ЖАСТАРЫНА ҮНДЕУ ХАТ

    aikyn logo

gulmira 12019 жылдың 12 желтоқсан күні, сағат 16.00-де Ә. Қастеев атындағы ҚР Мемлекеттік өнер музейінде Гүлмира Садықованың «Инемен жазылған кескіндеме» авторлық кесте тігу өнерінің алғашқы жеке көрмесінің салтанатты ашылуы өтеді.

«Инемен жазылған кескіндеме» – Гүлмира Садықованың бірінші көрмесінің атауы ғана емес, оның шығармашылығының концепциясының мәні. Егер де кескіндемешілер өздерінің туындыларына композиция құрарда, сурет жоспарлап, кенепке қылқаламын жақындатып, түстік акценттерін қоятын болса, ісмер-кестешінің қолындағы ине – қылқаламның, ал мата – кенептің ролін атқарады. Ол суретті инемен ғажап етіп салады, суретші үшін әрбір жіп аралығы кескіндеменің жағындысына тең.

tolesh 12019 жылдың 11 желтоқсан күні, сағат 16.00-де Ә. Қастеев атындағы ҚР Мемлекеттік өнер музейінде белгілі қазақстандық мүсінші Шоқан Төлештің 65-жылдық мерейтойына арналған «Қола мүсіндер симфониясы» жеке көрмесінің ашылуы өтеді.

Көрмеде Қазақстандағы заманауи мүсіншілердің бірі Шоқан Төлештің 70 аса туындылары ұсынылады. Оның қолада, мәрмәрда, ағаш пен шыныда орындалған композициялары сыртқы баяндау мен құрғақ шындықтан ада. Керісінше, олар әрдайым жарқын метафора, гротеск, көп өлшемділік пен бейненің символдық тереңдігіне ие. Шоқан Төлештің мүсіндік туындылары күрделі пластикалық формуланы білдіреді, олар өздерінің дәлелсіздігімен, лирикалық өткірлігімен және пластикалық өрнегінің мәнерлілігімен қызықтырады.

azhiev 12019 жылдың 5 желтоқсан күні, сағат 16.00-де Ә. Қастеев атындағы ҚР Мемлекеттік өнер музейінде қазақстан акварелінің шебері, қазақ өнеріне еңбегі сіңген өнер қайраткері, мәдениет пен бейнелеу өнері саласындағы Ш. Уәлиханов атындағы сыйлықтың лауреаты, «Парасат» орденінің иегері, ҚР Тұңғыш президенті стипендиясының лауреаты, «Тарлан» тәуелсіз сыйлығының лауреаты Әжиев Үкі Әжиұлының 95-жылдық мерейтойына арналған көрмесінің ашылуы өтеді.

Көрмеге 70 астам графикалық және кескіндемелік туындылар қойылған. Ә. Қастеев атындағы ҚР МӨМ коллекциясынан, сол сияқты суретшінің отбасылық жинағынан да алғаш рет қойылған туындылар бар. Үкі Әжиев өзінің көп қырлы шығармашылығында ұлттық акварель мектебінің қалыптасуы мен даму кезеңінің бүтін бір дәуірін бейнелейді. Тынымсыз шығармашылық ізденісі, адамға, айналасындағы бүкіл әлемге деген еркін сүйіспеншілігі, ол Қазақстандағы көркемдік үдерістің дамуындағы бірегей құбылыс ретінде лайықты мойындалды.

smurygin 42019 ж. 3 желтоқсанда сағат 16:00-де «Орталық көрме залында» «Евгений Смурыгин. Сәттің әдемілігі» атты көрменің ашылу салтанаты өтеді.

Смурыгин Евгений Владимирович – заманауи қазақстандық суретші, кескіндемеші. Өнерде шынайы көрініс, гүл натюрморттары мен сюреалистік, философиялық пен тұрмыс композицияларына арнайы назар аударады.

Абай атындағы Қазақ педагогикалық университетінің, көркем-графика факультетінің түлегі. Қазақстан Республикасының Суретшілер Одағының мүшесі. Евгений Смурыгин алғашқы жеке көрмесін 2006 жылы осы ҚР Мемлекеттік Ә.Қастеев атындағы өнер мұражайында өткізген. Көрмедегі жұмыстары халықпен жоғары бағаланған. Бұл болашақта көптеген тематикалық шығармалардың салынуына әсер еткен.

shanghai 12019 жылдың 10 – 17 қарашасы аралығында Ә. Қастеев атындағы өнер музейінің мамандары Қытайдың жетекші мәдени орталықтары – Шанхай мен Нанкинде тағылымдамадан өтті. Музей делегациясының құрамында музей директоры, профессор Гүлмира Шалабаева, Қытай өнерінің мамандары Мария Копелиович және Виолетта Вологодская, реставрация бөлімінің жетекшісі Гүлжан Қалдыбаева, баспасөз қызметінің жетекшісі Клара Исабаева болды. Тағылымдама Алматыдағы Қытай Халық Республикасының Бас консулдығымен ұйымдастырылған. Мазмұнды бағдарламада әлемге әйгілі музейлер мен көрікті орындарды аралау, шеберлік сабақтары мен қытай өнерінің жетекші реставраторларынан кеңестер алу, өнертану бойынша құнды әдебиеттермен алмасу, бірегей шығыс сәулет өнері бар тарихи аудандармен, философиясымен және ұлттық асханасымен танысу болды.