facebook-logo  twitter logo  odnokl-logo  youtube logo  logo-insta  vk logo
logo gmi-ru

e-gov-kz-banner

  • MYD Production

    MYD-logo-bl-sm

  • ҚР Президентінің ресми сайты

    banner7

  • ҚР Мәдениет және спорт министрлігі

    min-kult

  • Министрліктің жаңалықтары

    min-kult

  • Алматы қаласының Әкімдігі

    akimat-almaty

  • ҚАЗАҚСТАН ЖАСТАРЫНА ҮНДЕУ ХАТ

    aikyn logo

tresures 2

ҚР МӘДЕНИЕТ ЖӘНЕ СПОРТ МИНИСТРЛІГІНІҢ
«МУЗЕЙЛЕР ШЕРУІ» ЖОБАСЫ
30 тамыз сағат 21:00-ден 03:00-ге дейін

ҚР Мәдениет және спорт министрлігінің «МУЗЕЙЛЕР ШЕРУІ» жобасының аясында Ә. Қастеев атындағы ҚР МӨМ ашық есік күні форматында көркемдік акция өткізеді. Акция алматылықтардың жыл сайынғы Халықаралық музейлер күнін мерекелеуімен үйлестікте болады.
Жобаның мақсаты:
- музейдің мақсатты аудиториясын кеңейту
- келушілермен жаңа байланыс тәсілдерін орнату
- музейлерді мәдени тынығу орны ретінде дәріптеу
- ұлттық мәдени мұраны халыққа кеңінен таныстыру
- осындай акцияларды өткізу облыстық, қалалық және ведомстволық музейлер үшін бастау
«Музейлер шеруін» өткізу үшін музей залдары мен оған іргелес аумақты іске қосу ұйғарылып отыр. Іргелес аумақ сәнді жарықтандыру құрылғысымен безендіріледі. Акцияны өткізудің барлық уақытында аумақта келушілерді ыстық сусындар мен тағамдармен қамтамасыз ететін фудкорт жұмыс істейді. Би және музыкалық ұжымдардың өнер көрсетуі болады, шығармашылық шеберлік сабақтары жүргізіледі, қолөнер жәрмеңкесі жұмыс жасайды.
БАҚ-пен жұмыс үшін музей қызметкерлері Музейлер шеруі мәнмәтінінде Қазақстан өнері туралы бірқатар сұхбаттар дайындайды.
Акция Қазақстан өнеріне арналады және қазақстандық танымал мүсінші Сәкен Нарыновтың мүсінінің салтанатты ашылуы, музей залдары бойынша тегін тақырыптық экскурсиялар мен қазақстандық суретшілердің шығармашылығы туралы фильмдер көрсетілімінен тұрады. Акцияны өткізу уақытында музейге кіру тегін.

21.00 - Сәкен Нарыновтың мүсінінің ашылуы, музейдің мүсін саябағы, кураторы – Екатерина Резникова

21.00-03.00 – Қолөнер жәрмеңкесі, кураторы – Гүлнар Жуваниязова
22.00 - Кұлахмет Қожықовтың шығармашылығы туралы «Тарлан» деректі фильмі , конференц-зал
22.00 – экскурсиялар:
Қастеевтің мемориалдық залы, қазақ тілінде – Лаура Әбілдаева
Қазақстан сәндік-қолданбалы өнері залы, орыс тілінде – Наталия Баженова

kulipa 12019 жылдың 28 тамызында, сағат 16.00-де Әбілхан Қастеев атындағы Қазақстан Республикасының Мемлекеттік өнер музейінде суретші Күлипа Жұбаниязованың «СҰЛУ ӨНЕРДІҢ СЫРЫ» атты мерейтойлық жеке көрмесінің ашылу салтанаты өтеді. Көрмеде Ә. Қастеев ат. ҚР МӨМ қорындағы гобелен туындылары қойылады.

Қазақстан Республикасы Мәдениет және ақпарат министрлігінің мәдениет қайраткері, Қазақстан Республикасының Суретшілер одағының мүшесі Жұбаниязова Күлипа Есімқызы 1949 жылы 25 ақпанда Шымкент облысы, Төлеби ауданы, Ұзын-Арық аулында дүниеге келді. 1973 жылы Н.В. Гоголь атындағы Алматы көркемсурет училищесінің суретші және көркемдеуші мамандығын, 2008 жылы Абай ат. Қазақ Ұлттық педагогикалық университетінің көркем графика факультетін бітірді.

asylkoz 12019 жылдың 23 тамыз күні сағат 18.00-де Ә. Қастеев атындағы ҚР Мемлекеттік өнер музейінің Орталық көрме залында дизайнер Асылкөз Тенгізбайдың авторлық әшекейлерінің аукционалды «ФЛОРА және ФАУНА» көрмесінің салтанатты ашылуы өтеді.
Асылкөз Тенгізбай – жоғары экономикалық білімі бар, шығармашылығы ерекше және оны енді ғана бастап келе жатқан әшекейлі бұйымдар дизайнері. Ол өз туындыларын жүрек қалауымен, табиғатттан шабыт алып, заманауи сән трендтерін негізге ала отырып жазады. Автор әр шығармасына белгілі бір мағына береді.

zhang bi 12019 жылы 9 тамызда сағат 16.00-де Ә. Қастеев атындағы ҚР Мемлекеттік өнер музейінде «Бір белдеу – бір жол. Чжан Би Юйдің кескіндемесі» көрмесінің ашылуы болады. Қытай Халық Республикасының кескіндемешісі қоршаған ортаны өзінше қабылдауымен бізді таңғалдыра отырып, біздің музейге екінші мәрте келгелі отыр. Дәстүрлі «гохуа» кескіндемесінің классикасын Шығыс және Батыс Еуропа бейнелеу өнеріне жаңаша сәнді ықыласпен тығыз байланыстыра отырып, өз жұмыстарына барынша қызықты қолтаңба қалыптастырды. Экспозицияда 75 жұмыс бар.

almaz 12019 жылдың 1 тамыз күні, сағат 16.00-де Ә. Қастеев атындағы ҚР Мемлекеттік өнер музейінде жас суретші Нұрғожаев Алмастың DEBUT атты жеке шығармашылық көрмесінің ашылу салтанаты өтеді. 

Нұрғожаев Алмас – бүгінгі қазақ бейнелеу өнеріндегі белсенді жас суретшілердің бірі. Суретшінің туындылары – оның ішкі әлемі мен жан-толғаныстарының көрінісі. Оның шығармаларын тамашалаған кезде бірінші болып көзге түсетіні – күрделі қозғалыс пен ракурсқа құрылған экспрессияға толы композициялар. Қылқалам шебері натураны жалпылау мен монументализациялауға жақын. Ол негізгі бейнені шынайы жазу үшін ғана емес, сонымен қатар оның жасырын ішкі мағынасын көрсетуді мақсат етіп қояды.