facebook-logo  twitter logo  odnokl-logo  youtube logo  logo-insta  vk logo
logo gmi-ru

e-gov-kz-banner

  • MYD Production

    MYD-logo-bl-sm

  • ҚР Президентінің ресми сайты

    banner7

  • ҚР Мәдениет және спорт министрлігі

    min-kult

  • Министрліктің жаңалықтары

    min-kult

  • Алматы қаласының Әкімдігі

    akimat-almaty

  • ҚАЗАҚСТАН ЖАСТАРЫНА ҮНДЕУ ХАТ

    aikyn logo

memory 12019 жылдың 10 сәуір күні, сағат 15.00-де Ә. Қастеев атындағы ҚР Мемлекеттік өнер музейінде Амангелді Бейсеуовтің «Естелiк – Память» кітабының тұсаукесері өтеді.
Амангелді Смағұлұлы Бейсеуов 1941 жылы Алматы облысы, Жамбыл ауданы, Қарғалы кентінде қарапайым, парасатты және еңбексүйгіш адамдардың отбасында дүниеге келген. Ол Алматыдағы Халық шаруашылығы институтын бітірген. Мәскеудегі КСРО Министрлер кеңесінің жанындағы ШӘО Интурист курсын үздік бағамен тәмамдаған.

Амангелді Бейсеуов – белгілі блогер, қоғам қайраткері, қоғамдық тамақтану ардагері, «Қазақстан» мейрамханасында «Интурист» жүйесінде, «Медеу» мейрамханасының директоры қызметін атқарған, «Қазақ хандығына 550 жыл», «Қазақстан Ұлттық қауіпсіздік комитетіне 20 жыл» медальдарымен марапатталған. Өзінің күллі өмірін мейрамхана бизнесіне арнаған.  

peterburg 12019 жылдың 22 наурыз күні Петербургтегі Ресей Көркемсурет академиясының Ғылыми-зерттеу музейінде Ә. Қастеев атындағы Мемлекеттік өнер музейінің (Алматы, Қазақстан) «Сергей Калмыковтың жұлдызды тостағаны» көрмесі салтанатты түрде ашылды. Көрменің ашылуында Мемлекеттік думаның депутаттары, дипломаттар, кәсіпкерлер, өнертанушылар, галеристер, журналистер, суретшілер сияқты Санкт-Петербургтің саяси, іскерлік және ғылыми истеблишментінің көптеген өкілдері қатысты.
Қазақстан Республикасының Санкт-Петербургтегі Бас консулы Болат Иманбаев көрмені аша отырып, Ресей Федерациясы мен Санкт-Петербургте қазақстандық көрмелерді өткізу игі дәстүрге айналғандығын атап өтті. Қазақстан қазақ өнерін әлемде ілгерілету бойынша «Рухани жаңғыру» бағдарламасын белсенді түрде жүзеге асыруда, және peterburg 4«Сергей Калмыковтың жұлдызды тостағаны» көрмесі осы бағдарламаның қисынды жалғасы болып табылады. Сондай-ақ, ол осы көрмені ұйымдастырғаны үшін Петербург Үкіметіне, Ресей Көркемсурет академиясына және Ә. Қастеев атындағы Мемлекеттік өнер музейіне алғыс білдірді. «Наурыз – отбасылық қарым-қатынастарды нығайту, қонақжайлылық пен тату көршілік қатынастарымен ерекшеленетін ерекше мейрам. Қазақстан мен Ресей – мәдениет пен білім беру саласында көптеген жобаларды жүзеге асырып келе жатқан жақсы көршілер, серіктестер», - деп атап өтті Болат Бариұлы.

kabizhanova 12019 жылы 5 сәуірде сағат 16.00-де «Мүмкіндіктер палитрасы. Дәстүрлер және жаңашылдық» көрмесі ашылады. Қабижанова Гүлжанат пен Бикинеева Нұрия киіз бен құрақтан жасалған туындыларының бірлескен көрмесін өткізеді. Экспозицияға алпыс шақты жұмыс қойылған, олар – панно-картиналар, киім, сәнді этноаксессуарлар. Авторлар өз жұмыстарында қазіргі заман өнері үшін маңызы зор ұлттық дәстүрлерді сақтау мен дамытуды және басқаша ойлауды интерпретациялайды. Өмірге сұлулық пен шаттық сыйлайтын сәндік өнер олардың жанына аса жақын. Суретшілер Аrt тандемде бірнеше рет жұмыстарын қойды, сонымен бірге олар өмірде де, шығармашылықта да мүдделес жандар болып шықты.

round table 12019 жылдың 5 наурызында Ресей Көркемсурет академиясының музейлік-көрме кешенінде, Мәскеудегі Зураб Церетелидің өнер галереясында Ә. Қастеев атындағы өнер музейінің (Алматы, Қазақстан) «Алпысыншы-жылғылар. Түркі романтизмі» көрмесі салтанатты түрде ашылды.
1960-шы жылдардың соңында жас әрі өршіл суретшілер тобы постимпрессионизм және мексикалық монументалистердің әсерімен ұлттық кескіндеме және бейнелеу өнері мектебінің өз бағдарламасымен алға шықты. «Алпысыншы-жылғылар» - өздерін 60-шы жылдардың соңы мен 70-ші жылдардың басында таныта білген топтың шартты аты. Оған Салихитдин Айтбаев, Мақым Қисамединов, Шаймардан Сариев, Тоқболат Тоғысбаев, Бахтияр Табиев, Әбдірашит Сыдыханов, Еркін Мергенов, Төлеген Досмағамбетов, Вагиф Рахманов, Исатай Исабаев, Оралбек Нұржұмаев және басқалары жатады. Алпысыншы-жылғылардың шығармашылығы Қазақстандағы көркемдік ойдың өрлеуі болып саналады. Сол кездерде «жылымықтың балалары» деп аталған олар, академиялық ережелерден бас тартып, өнердегі өзіндік тілі мен стилін қалыптастырды.

gulfarida 102019 жылы 29 наурызда сағат 16.00-де Ә. Қастеев атындағы ҚР Мемлекеттік өнер музейінде суретші Гүлфарида Жаниярованың «Мен өмір сүретін әлем – ғажайып!» атты жеке көрмесі өтеді. 

Көрме 2019 ж. 28 сәуірге дейін өтеді.

Көрмеде автордың 50-ден астам жұмысы қойылады. Әрбір жаңа экспозиция оның шығармашылығын бағалаушыларға және авторлық қуыршақтар, көркем полотнолар мен сәндік панно сияқты жаңа туындыларды сыйлайды. Ол Н.Гоголь атындағы Алматы көркемсурет училищесінің кескіндеме бөлімін бітірді. Гүлфарида Жаниярова – Қазақстан суретшілерінің арасында бірінші Халықаралық қуыршақ авторлары бірлестігінің мүшесі. Мәскеудегі Халықаралық қуыршақ көрмелеріне бірнеше мәрте қатысты. Оның «Қазақстан қуыршақтары» авторлық жобасы жоғары орындау шеберлігі үшін дипломмен және грамотамен аталып өтті.

Суретшінің көрмеге қойылған жаңа туындылары – бояуының қанықтығымен және түстік палитрасының полихромдығымен ерекше кескіндемелік картиналар, натюрморттар, портреттер, тұрмыстық композициялар, сәндік паннолар, әрі сонымен қатар тұтас авторлық қуыршақтар галереясы. Оның жаны сүйетін жанрлары – өмірдің қуанышы мен өршіл көңіл күйін беретін пейзаж бен натюрморт. Гулфарида өзінің бір сұхбатында: "Қуыршақты адам денесінің анатомиясын, өткен дәуірдегі костюм тарихын зерттей отырып, аса зор ыждағаттылықпен сауатты түрде жасау керек» дейді. Ол бала кезінде сурет салуды және кәсіби тігінші анасының жанында отырып, қуыршақтарына арнап киім тігуге құрақ маталарды таңдауды жақсы көретін.