facebook-logo  twitter logo  odnokl-logo  youtube logo  logo-insta  vk logo
logo gmi-ru

e-gov-kz-banner

  • MYD Production

    MYD-logo-bl-sm

  • AlmatyLife

    almaty-life-logo

  • ҚР Президентінің ресми сайты

    banner7

  • ҚР Мәдениет және спорт министрлігі

    min-kult

  • Министрліктің жаңалықтары

    min-kult

  • Алматы қаласының Әкімдігі

    akimat-almaty

new york 12018 жылдың 18 маусым күні, сағат18.00-де Нью-Йорктегі Ұлттық өнер клубының Гранд галереясында Елбасының «Рухани жаңғыру» бағдарламасының аясында «Еуропа мен Азияның қиылысында: Ә. Қастеев атындағы Мемлекеттік өнер музейінен ХХ ғасырдың жауһарлары» көрмесі ашылады. Көрме Ә. Қастеев атындағы ҚР Мемлекеттік өнер музейінің АҚШ Орыс-Америкалық қорымен бірлесуінде, Вашингтондағы Қазақстан Елшілігі мен Нью-Йорктегі Қазақстанның Бас консулдығының белсенді қолдауымен ұйымдастырылды. Көрме америкалық көрерменге 1930-1970-жылдардағы Қазақстан өнері коллекциясының ең үздік үлгілерін ұсынады. Қазақстандық жетекші шеберлердің 30 шығармалары қазақ-көшпенділерінің мәдениеті, тарихы мен тұрмысымен таныстырады.

bluegrass 12018 жылдың 9 маусым күні, Ә. Қастеев атындағы ҚР Мемлекеттік өнер музейі мен Астанадағы АҚШ Елшілігі, Алматыдағы АҚШ Бас консулдығы көрнекті қазақ композиторы Құрманғазының 200-жылдығының құрметіне орай «Америкалық жасыл аймақтан Ұлы далаға дейін» атты Музыкалық вернисажға шақырады. Америкалық дипломат әрі музыкант Рен Эльхай Лейла Тәжібаева-Исаева, Кандис Миракл және Майкл Алленмен бірлесіп Қазақстан мен АҚШ дәстүрлі және заманауи фольклорлық музыкасының бағдарламасын орындайды. Концерт америкалық заманауи контемпорари арт суретші Хант Слонемнің көрме залында өтеді.

hunt slonem 12018 жылды 1 маусым күні Ә. Қастеев атындағы ҚР Мемлекеттік өнер музейінде сағат 17.00-де «Хант Слонемнің экзотикалық әлемі» көрмесінің баспасөз туры, 18.00-де жабық ашылуы өтеді.

Хант Слонем – анималистік сарындағы көркем шығармаларымен аты шыққан әлемге әйгілі америкалық суретші. Оның еңбектері дүние жүзінің 80 жуық музейлерінде, соның ішінде, Метрополитен және Уитни музейі сияқты жетекші жинақтарда сақталған. Сондай-ақ, оның туындылары голливудтың атақты адамдарының жеке коллекцияларының қазынасы болып табылады. Жеке көрмелері әлем бойынша орташа мерзімділікпен айына бір рет ашылады.
2015 жылдан бастап америкалық кескіндемешінің шығармалары посткеңестік кеңістіктегі көрерменге қол жетімді болды. 2018 жылы анималистік нео-экспрессионизм өкілінің көрмесі Қазақстанда алғаш рет өткізіледі.

lyuiko 12018 жылдың 25 мамыр күні, сағат 15.00-де Ә. Қастеев атындағы ҚР Мемлекеттік өнер музейінде Вячеслав Люй-Коның 50-жылдығына арналған «Түп-тамырға оралу» мерейтойлық көрмесінің баспасөз-туры және сағат 16.00-де салтанатты ашылуы өтті. Экспозиция соңғы жылдардағы 60 графикалық және кескіндеме жұмыстарынан тұрады, олардың ішінде «Шың басында», «Тәңір ұйқы үстінде», «Соңғы айлақ», «Өзге қалалар», «Ғибадатхана» және басқалары.

Суретші ретінде Вячеслав Люй-Ко ерекше таныстыруды қажет етпейді, себебі шығармашылық жылдарында ол өзінің қайталанбас әрі бірегей туынды-толғаулар стилін қалыптастырды, сондай-ақ ол Қазақстанда ғана емес, шетелде де кеңінен танымал.

zhaniya 12018 жылдың 3 мамыр күні сағат 19.00-де ҚР Ә. Қастеев атындағы Мемлекеттік өнер музейі «Музыкалық палитра» атты Музыкалық вернисажға шақырады. Мұнда музейдің Құрманғазы атындағы Қазақ ұлттық консерваториясымен бірлескен жобасы ұсынылатын болады. Қазақстан классикалық музыкасының жұлдызы, Қазақстан Республикасының Халық әртісі, Құрманғазы атындағы Алматы консерваториясының ректоры әрі профессоры, саусағынан бал тамған пианиношы Жәния Әубәкірова Бах, Моцарт, Шопен, Пуленктің және басқа да аса көрнекті композиторлардың шығармаларын орындайды. Сонымен қатар, концертке халықаралық байқаулардың лауреаты, Джульярд мектебінің түлегі Дамир Бүркітбаев (кларнет) қатысады.